Lanbide Heziketaren esparruan ikaskuntzarako mugikortasunera bideratutako laguntza berriak

2017.05.08

Erasmus+ markoaren barruan kokatuta, eta Lanbide Heziketako esparruan mugikortasunera zuzenduta, Gobernu Kontseiluak ikaskuntza-arrazoiengatik pertsonak mugitzeko jarduerak antolatu eta garatzeko diru-laguntzak deitzen dituen agindua onartu du.

Diru-laguntzak, 500.000 eurokoak direnak, 2017 eta 2018 urteetan garatuko diren ekintzetara bideratuta daude eta hartzaileak Lanbide Heziketan matrikulatutako edo titulatutako ikasleak eta Euskal LHko irakasleak izango dira.

2016/2017 ikasturtean zehar 883 ikaslek eta 165 irakaslek hartu dute parte deialdian, eta dagoeneko Europako erakunde eta enpresa desberdinetara joan dira ikaskuntzarekin jarraitzeko.