Unibertsitate mailako ikasleen nazioarteko mugikortasunerako diru laguntzak

2017.10.27

Gobernu Kontseiluak, Hezkuntza sailburuaren proposamenez, 2017-2018 ikasturtean unibertsitate ikasleen nazioarteko mugikortasun programak dituzten eta Euskal Autonomia Erkidegoan kokatuta dauden unibertsitateentzako eta goi-mailako arte eta kirol irakaskuntzen ikastetxeentzako diru-laguntzen deialdia egiten duen agindua onartu du.

Laguntza hauen helburua Erasmus+ programako mugikortasunetarako Europako Batasunak egiten dituen diru-ekarpenak osatzea da (hauen kostuaren %100a ez baita finantzatzen). Gainera, unibertsitate-mugikortasunen parte bat Erasmus+ programan sartuta ez dauden lekuetara egiten da; horrela den kasuetan, pertsona horiek ez dituzte aipatutako erakundeen laguntzak jasotzen, eta, beraz, beste mugikortasun-programa horietan dauden pertsonak finantzatu beharra ere agerian geratzen da.

Diru-laguntza deialdi honek 1.071.200 euroko zenbatekoa du.