http://www.ikasmina.eus/
 
  Berri buletina  
     
 
2015ko otsaila - Buletinaren 039. zbk.
 
 
  Otsailean argitaratutako bizitza osoan zeharreko ikaskuntzarekin zerikusia duten albiste eta dokumentu azpimagarrienak jasotzen dituen buletina.  
 
     
  Gipuzkoako pertsonak eta kultura jarduerak  
  Dokumentu honetan Gipuzkoako pertsona helduen jarduerak jaso dira izaera kulturaleko jardueretan duten partaidetzaren inguruan. Ezagutzeko eta ikasteko pertsonen nahiarekin bat egiten dutela ulertzen da, norbanakoaren eta partekatutako ezagutzaren eta pertsonek gizartean duten partaidetzaren inguruko informazioa ematen du.

Lortutako emaitzek adierazten dutenaren arabera, azken urtean hamar pertsona heldutik seik zinemara joan dira (% 61,2), hamarretik lauk zuzeneko kontzertuetara joan dira, herenak antzerkia aipatu dute eta laurdenak dantza.
 
  Gehiago irakurri  
     
  Gipuzkoako bizitza osoan zeharreko ikaskuntzako adierazle gakoak  
  2014an 25 eta 64 urte bitarteko Gipuzkoako biztanleriaren %38,2ak bizitza osoan zeharreko ikaskuntzako jardueraren batean parte hartu du galdeketa egin aurreko12 hilabeteetan zehar.  
  Gehiago irakurri  
     
  Gipuzkoako pertsona landunen etengabeko parte hartzea ikaskuntzan EBeko bataz bestekoa baino zertxobait altuagoa da  
  Gipuzkoako biztanleria landunaren % 14,6ak bizitza osoan zeharreko ikaskuntzako jardueraren batean hartu du parte azken 4 asteetan, eta Estatuak eta Europak (% 11,1 eta % 10,5) baino parte hartze tasa altuagoa izan du.

Gainera, eta Gipuzkoan, ikaskuntzan etengabeko parte hartzeari dagokionez, zertxobait altuagoa da emakumezkoen (% 15,0) artean gizonezkoen (% 14,2) artean baino.
 
  Gehiago irakurri  
     
  Gipuzkoako unibertsitateek ate irekiko jardunaldiak antolatu dituzte  
  Unibertsitate desberdinetako Ikasleentzako Argibide Zerbitzuek euren eskaintza aurkezten dute Gipuzkoan. Horretarako, hainbat ekintza jarri dituzte martxan, unibertsitate eskaintzaren inguruan unibertsitate-aurreko ikasleen zalantza guztiak argitzeko helburuarekin eta datozen asteetan zehar ospatuko diren ate irekiko jardunaldi desberdinak antolatu dituzte.  
  Gehiago irakurri  
     
  Helduen Hezkuntza Iraunkorreko matrikulazioak behera egin du  
  Araubide orokorreko unibertsitateaz kanpoko ikasketen barruan, hezkuntza orokorreko prestakuntza arautuaz (haur hezkuntza, lehen hezkuntza, DBH, batxilergoa) eta espezializatuaz (Lanbide Heziketa) gain, Helduen Hezkuntza Iraunkorra aurkitzen da (HHI).  
  Gehiago irakurri  
     
  IV. Ikasenpresa azoka: zure enpresa egiten ikasi  
  Laugarren urtez, gaur osteguna, Eibarren ospatuko den “Ikasenpresa” azokak Lanbide Heziketako 46 ikastetxetako 700 ikasletik gora elkartuko ditu, 2014-2015 ikasturtean zehar 326 enpresa sortu dituztenak, 90 irakasleen laguntzarekin.

Martxan jarritako zerbitzu eta produktuen eskaintza oso anitza da, besteak beste, hauek eskaintzen dituzte: Birziklatutako produktuak, informatika programen diseinu zerbitzuak, elikadura, egurrez eginiko artikuluak, 3D inpresioa, mekanizatuak, ipuin kontaketak, menpekotasuna duten pertsonen zaintza, pertsonal eta kirol entrenamendua, autore bitxiak, aholkularitza pertsonala, bitxigintza…
 
  Gehiago irakurri  
     
  Unibertsitate-Enpresa Europako 6. Foroa  
  Datorren martxoaren 6an unibertsitate eta enpresa arteko topaketarako Europako 6. Foroa egingo da Bruselasen. Topaketa (bi urtez behin) honen helburuak hiru esparruen inguruan zehazten eta indartzen joan dira azken urteetan zehar:

- goi mailako prestakuntzaren eta enpresaren beharretan honen inplementazioaren arteko konexioa,
- ekintzailetza eta prestakuntza beharrak eta pertsonen doikuntza, gerturatze zabal batetik ikusita (martxan jartzea, kudeaketa, porrota aukera bat dela onartzea, ekimen berriak,…), eta
- berrikuntzaren eta sormenaren aldeko apustua, ekintzailetzarekin eta negozio aukeren garapenarekin duen konexioa.
 
  Gehiago irakurri  
     
 
     
  Beste albisteak...  
 
Interesa duten beste albisteak
 
 
 
 
     
 
Ekonomia Sustapena, Landa Ingurunea eta Lurralde Orekako Departamentua    
Gipuzkoako enparantza, z/g
20004 Donostia - San Sebastián - Gipuzkoa
T. +34 943 112 217
info@ikasmina.net
 
     
  Komunikazio gehiago jaso nahi ez baduzu, sakatu baja eman estekan.  
  Buletin guztiak jasotzen dituzula ziurtatzeko, info@ikasmina.net zure kontaktu zerrendan gehitzea gomendatzen zaitugu.